GURASOEK SEME-ALABENTZAT ERLIJIOA AUKERATZEKO DUTEN ESKUBIDEA DEFENDATU BEHAR DUTE ERAKUNDEEK»

             Donostiako Gotzainak gurasoek, heuren seme-alabek erlijioa ikas dezaten duten eskubidea bermatzeko hartu beharreko neurriak hartu ditzatela eskatu die gaur erakundeei.    Ildo honetatik, On Jose Ignacio Munillak Eusko Jaurlaritzari, Auzitegi Gorenaren epaia indarrean jartzeko egin beharreko moldaketak egin ditzala eskatu dio; epaiaren arabera, Euskadiko ikastetxe guztiek, halabeharrez eskaini behar diete heuren ikasleei erlijioa eta ikasgaiaren ordezkoa.

«Euskadin erlijio klaseak normaltzeko aukera paregabea daukagu orain», esan du gotzainak, eta Europako beste herrialde guztietan erlijio katolikoa arazorik gabe eskaini era irakasten dela azpimarratu du.

Gotzainak argi utzi nahi izan du «Elizak ez duela erakundeen arloan muturra sartu nahi. Alderantziz, gurasoek heuren seme-alabentzat forkamuntza katolikoa eskatzeko duten eskubidea defendatu besterik ez dugu nahi».

Zentzu honetan, «errealitatetik aldentzen gaituen antiklerikaltasunetik aldentzeko deia» egin dio gizarteari eta «erlijio katolikoa aukeratzen dutenentzat errespetua» eskatu du.

Halaber, Eusko Jaurlaritzari, hainbat ikastetxetan gertatu diren mehatxuak eta gurasoek erlijioa ez aukeratzeko izan diren presioak ekiditeko neurriak hartzeko eskatu dio.

Donostiako Gotzainarekin batera, prentsaurrean, Sara Iragorri, erlijio irakaslea izan da. Honek, erlijio ikassgaiak haurren hezkuntzan duen garrantzia azpimarratu du, «gure gizartearen historia, kultura, artea eta pentsamenduaren oinarri bait da».

Bestalde, ANITZAK guraso elkarteko Iñaki Bengoetxea eta Marian Lunak, «erlijio klasea Konstituzioak berak jasotzen duen eskubidea» dela gogoratu dute eta erakundeei eskubide hau bermatzeko eskatu diete.

Bestalde, hainbat ikastetxek jartzen dituzten oztopoak eta erlijio ikasgaiaren aurka mugimendu laizistek aurrera eramandako kanpaina salatu dute.

ANITZAK elkarteko kideek argi utzi nahi izan dute «ikastetxe guztiek halabeharrez eskaini behar dutela erlijioa ikasteko aukera ikasleei eta gurasoek eskubide hau bete dadin eskatzeko ahalmena eta betebeharra dutela».

                                    EUSKADIKO DATUAK

ZERGATIK AUKERATU ERLIJIOA?

ANITZAK ELKARTEKO GURASOEN AGIRIA