GASTEIZ, BILBO ETA DONOSTIAKO GOTZAINEN AGIRIA

Gasteiz, Bilbo eta Donostiako gotzaindegien eta Kristau Eskolaren agiria, Erlijio ikasgaiaren egoeraz Batxilergoan, Eusko Jaurlaritzaren dekretua bertan behera uzten duen Epaitegi Gorenaren epaiaren aurrean:

1.- Batxilergoan erlijio ikasgaia baztertzen zuen 2009ko otsailaren 3ko Eusko Jaurlaritzaren dekretua bertan behera uzten duen Epaiaren aurrean gure poza adierazten dugu.

2.- Epai honek, gurasoek, euren seme-alabek familian dituzten oinarrien araberako heziketa erlijiosoa eta morala jasotzeko duten eskubide konstituzionala babesten duela uste dugu.

3.- Tamalez, Jaurlaritzaren Dekretua argitaratu zenetik igaro diren hiru urte t´erdi hauetan, erlijio ikasgaia instituturik gehienetan irakasteari utzi zaio eta beste hainbatetan egoera larrian dago. Zuzenbide eta eskubideen aurka dagoen egintza burutuen politikaren ondorioz, familiek euren seme-alaben heziketaren kontrola galtzeko arrisku handia dago.

4.- Eusko Jaurlaritzaren Hezkuntza Sailari, ikasturte berriaren hasieraren aurrean, atzerapenik gabe, erlijio Ikasgaia dagokion legezko mailara itzultzeko eskaera egiten diogu; diskriminaziorik gabe eta harena den maila akademikoarekin. Hau da, ikasleak libreki aukeratu ahal izan dezala Erlijio Ikasgaiaren eta maila berekoa den ordezko beste Ikasgaiaren artean, beste ikasgaien eduki kurrikarretan sartu gabe.
PDF

Gehiago irakurri:

Isabel Celaak Erlijio-ikasgaiaren inguruko eztabaida bat irekitzeko eskatu du

Aukeratu Erlijio Katolikoa gure seme-alabentzat

“Erlijio irakasgaia eskolan eta beste ehunak” Donostiako Gotzainak Forum Europan eskainitako hitzaldia