MUNILLAK ERLIJIO IKASGAIAREN NORMALIZAZIOA ESKATU DU

 Donostiako Gotzainak Ama Birjinaren Jasokundeko Eukaristia ospatu du Santa Maria Basilikan.

Milaka fededunen aurrean, Gotzainak erlijio ikasgaiaren normalizazio eskatu du, hezkuntza publikoan, inolako oztoporik gabe irakatsi ahal izan dadin eta gurasoei, erlijio heziketaren alde egiteko eskatu die, seme-alaben kulturaren oinarri delako. «Jaiak hasi aurretik, Auzitegi Gorenak, Jaurlaritzak batxilergoko erlijio ikasgaiaren inguruan erabakitako dekretua atzera botatzen duen epaia eman zuen jakitera; dekretu honek hilzorira eraman du azken urteotan batxilergoko erlijioaren hezkuntza gure eskoletan…. gaur, Santa Maria gure Amaren festaburua honetan, nik, familiei deia egin nahi diet, erlijioaren irakaskuntza euren seme-alabek eskolan jasotzen duten kulturaren ardatz denetik, aintzat har dezaten: Hasteko eta behin, eskolan erlijioaren irakaskuntza funtsezkoa da, gure arbasoetatik jaso dugun kultura ulertu ahal izateko….. Bigarrenez, erlijioaren irakaskuntzak bizitzaren eta izaeraren ikuspegi osoa eta orokorra eskaintzen digu, giza-jakituriaren zatiketaren aurrean».

Halaber, gure Gotzainak eskola borroka ideologikoetatik kanpo utz dezatela eskatu die alderi politikoei eta erlijioaren irakaskuntzaren normalizazioa eskatu du: «Erlijio ikasgaiaren egoera hezkuntza normaltzeko eta Europako gainerako herrialdeetan bezala, trabarik eta oztoporik gabe irakatsi ahal izateko garaia badugu. Ideologia politiko ezberdinen arteko borrokak ez du eskolaren baitan inolako eraginik izan behar. Eskola, umeak egian hezteko aske izan dadin, presio politikoetatik at utzi eta familien eskaera eta ekarpenei zabalik izatea ezinbestekoa dugu».

IRAKURRI HOMILIA  
Fuente: www.elizagipuzkoa.org

Gehiago irakurri:

Gasteiz, Bilbo eta Donostiako gotzainen agiria

Isabel Celaak Erlijio-ikasgaiaren inguruko eztabaida bat irekitzeko eskatu du

Aukeratu Erlijio Katolikoa gure seme-alabentzat