[youtube https://www.youtube.com/watch?v=45zNHlbcME4]
Jainko-Maitasunaren Andre Mariari otoitza
Oh Maria,
Zu geure bidean salbazio eta esperantza zeinu bezala distira egiten duzu beti. Geure burua Zuri, gaixoen osasun zaren Horri, eta Gurutzearen aurrean fedea irmo mantenduz Jesusen minarekin bat egin zenuen Horri gomendatzen diogu.
Zuk, Erromatar Herriaren Salbazio zarenak, geure beharra ezagutzen duzu eta lagunduko diguzula seguru gaude, proba-une honen ondoren, Galileako Kanan bezala, poztasuna eta besta itzul daitezen.
Lagun iezaguzu, Jainko-Maitasunaren Ama Horrek, Aitaren borondatearekin bat eginik gure oinazeak Beregain hartu dituen Jesusek esango diguna egiten. Gure minak gu Piztueraren poztasunera eramateko, Gurutzearen bidez, Beregain hartu baititu. Amen.
Zure babesera gatoz, Jaungoikoaren Ama Santu horrek. Entzun gure eskaria estutasun eta larrialdeietan eta libra gaitzazu arrisku guztietatik, Birjina aintzatsu eta dohatsu horrek!
Iturria: Vatican News
Itzulpena: Erlijioa Nafarroan