Gallardonek abortuaren legearen erreforma aurkeztu du behingoz eta, dirudienez, biziaren aldeko hainbat talde eta pertsonari huts egin die, bizia behin ere defendatu ez duen alderdi batek biziaren alde dagoenari huts egitea posible den heinean.

PPko Justizia ministroak hiru kasuetan abortua onartzen zuen 1985eko legera bueltatuko dela iragarri du (amaren osasun fisiko eta psikologikoa, bortxaketa eta biziarekin bateraezinak diren gaixotasunak). Lege honen pean urtean 120.000 abortu inguru egiten ziren Espainian. Aido Legearekin baino gehiago.

Egia da Gallardonen legearekin bi sendagilek eta ez bakarrak eman behar izango dutela arrisku psikologikoagatik (hauxe zen aurreko legearen tranpa hain zuzen ere) abortatzeko ziurtagiria. Hau da, bi sendagile eta ez bakarra izango dira itxura egiteagatik aberastuko direnak.

Finean, ez dago bizia eta heriotzaren arteko hirugarren biderik. Bizia sustatzen da ala burrukatzen da. Jaiogabea areriotzat eta amatasuna arriskutzat dauzkan gizarte bat hiltzen ari den gizarte bat da. Eta hau, PPk egiten badu, bidegabekeria handia da ere.

Gehiago irakurri:

Gallardonek 1985eko abortuaren lege tranpara bueltatuko dela iragarri du

“Abortoraren espainiar legedia erabat bidegabea” dela salatu dute gotzaiek

Rouco: “Bizitza eskubidearen babesgabetasun legalak jarraitzen du”