MEDIKUNTZAKO NOBEL SARIA ZELULA AMA HELDUEN ERABILERAREN ALDEKO BI ZIENTZALARIK JASOKO DUTE

2012/10/08 Galarraga Aiestaran, Ana – Elhuyar Zientziaren Komunikazioa

medikuntzako-nobel-saria-zelula-helduak-plurip

Shinya Yamanaka eta John B. Gurdon ikertzaileak. Arg. Nobel Fundazioa

Zelula helduak pluripotente bihurtzeko gai direla erakutsi duten bi ikertzailek jasoko dute aurtengo Fisiologia edo Medikuntza alorreko Nobel saria: John B. Gurdon and Shinya Yamanaka. Sarituen izenak jakinaraztean, haien aurkikuntzek “zelulen eta organismoen garapena ulertzeko modua irauli” dutela adierazi du Karolinska Institutuak.

Hain zuzen, Gurdonek zelulen espezializazioa itzulgarria dela frogatu zuen 1962an. Hark egindako ikerketan, igel baten obulu bati nukleoa kendu, eta igel heldu baten hesteetako zelula baten nukleoarekin ordezkatu zuen. Obulu hartatik igel arrunt bat garatu zen; horrek erakutsi zuen hesteetako zelula helduaren DNAk zelula-mota guztiak bilakatzeko ahalmena gordetzen zuela.

Yamanakak, berriz, 2006an egin zuen saria eman dion ikerketa. Saguen zelula helduak heldugabe bihur zitezkeela frogatu zuen, eta, horretarako, nahikoa izan zuen DNAn lau gene sartzea. Zelulak “gaztetzeko” formula asmatu zuen, nolabait esateko.

Ikerketak oihartzun handia izan zuen, eta, urtebete geroago, gauza bera egin zuten giza zelulekin. Horri esker, enbrioietatik erauzitako zelula amek sortzen zuten arazo etikoa gainditzea lortu zuten.

Horrenbestez, Karolinska Institutuaren ustez, zelulen garapenaren eta espezializazioaren ikuspegia aldatu zuten ikerketa horien bidez. Izan ere, ordura arte, zelulen garapena norabide bakarrean gertatzen zela uste zen: ernaldutako obulutik zelula heldu espezializatuetara (neuronak, muskuluetako zelulak, gibelekoak, odolekoak…).

Dogma aldatzetik, aukera berriak sortzera

Bide horretan atzera egiteko aukera dagoela frogatu zuten, ordea. Aipatzekoa da, hasieran, zientzialari gehienek errezeloz hartu zutela Gurdonen ikerketa; izan ere, orduko dogmaren aurka egin zuen, zelula heldu baten nukleoan zelula-mota denak bilakatzeko informazio guztia zegoela esatean. Alabaina, ikerketaren ondorioak eztabaidaezinak ziren.

Hortik hurrengo pausora urte asko igaro ziren, baina gaur egun mundu osoko laborategi askotan ari dira lanean Yamanakak irekitako bidean. Hain juxtu, abuztuan Nature aldizkariak jakinarazi zuenez, Yamanakak berak zelula amen banku bat sortzea proposatzen du, zelula amen ikerketetan dauden muga etiko eta legalak gainditzeko, eta, batez ere, laborategietan egiten den lana kliniketara eramateko eta pazienteengana helarazteko. Nobel Fundazioari saritua dela jakin berritan eman dion elkarrizketa laburrean ere horixe aipatu du, alegia, zelula amen teknologia laborategitik eremu klinikora eramateko itxaropena duela.

Iturria: www.zientzia.net

Gehiago irakurri:

Europako Justizia Epaitegiak giza enbrioia ernalketatik ezagutzen du

Apezpikuek ongi etorria egin diote “Jainkoaren partikulari”

“Jainkoaren partikula” aurkitu dute zientzialariek

Esta entrada fue publicada en Euskara / Vascuence, Noticias / Berriak y etiquetada . Guarda el enlace permanente.

3 respuestas a MEDIKUNTZAKO NOBEL SARIA ZELULA AMA HELDUEN ERABILERAREN ALDEKO BI ZIENTZALARIK JASOKO DUTE

  1. Pingback: LITERATURA NOBEL SARIA TXINAKO HAUR BAKARRAREN POLITIKAREKIN KRITIKOA DEN IDAZLE BATEK IRABAZI DU | RELIGIÓN EN NAVARRA – ERLIJIOA NAFARROAN

  2. Pingback: ¿LA FE EN DIOS Y LA CIENCIA SE CONTRADICEN? ¿KONTRAESATEN AL DIOTE JAINKOARENGANAKO FEDEAK ETA ZIENTZIAK? | RELIGIÓN EN NAVARRA – ERLIJIOA NAFARROAN

  3. Pingback: SOTANADUN ZIENTZIALARIAK | RELIGIÓN EN NAVARRA – ERLIJIOA NAFARROAN

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google photo

Estás comentando usando tu cuenta de Google. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

Conectando a %s