Aurreko astean Madrilen onartutako PPren hezkuntza erreformak (LOMCE) ez du inondik inora Erlijio-ikasgaiaren aipamenik egiten. Dirudienez, Espainiako Gobernuaren kezken artean ez dago Erlijio-ikasgaiaren egoera ilegala eta injustua konpontzea.

Urte hauetan guztietan, Eliza eta Estatuaren arteko Akordioak urratu dira, Erlijio-ikasgaiak ez duelako gainontzeko oinarrizko materiek daukaten balio bera izan. Hala da, ikasgai hau ez da ebaluatu ezta zikloko batezbestekoetan kontutan hartu ere. Erlijio-ikasgaiaren alternatiba -izan denean- diskriminazioa ekarri die Erlijioa libreki aukeratu duten ikasleei, kurtsoko gainontzeko ikasgaiak indartzeko edo denbora libre gisa erabili izan delako. Bestelako arazo bat izan da Erlijio-irakasleek izan dituzten lan baldintzen ezegonkortasuna.

Oroitarazi beharra dago PPk izandako aurreko bi legealditan -horietako bat gehiengo absolutuarekin gainera- alderdi honek ez zuela deus ere egin Erlijio-ikasgaia legediari egokitzeko, bigarren legealdiko amaieran bultzatu zuen lege proiektua izan ezik (LOCE), azkenean aplikatu gabe gelditu zena.

LEGE BERRIA (LOMCE) IRAKURTZEKO KLIKATU HEMEN

Gehiago irakurri:

Munillak Erlijio-ikasgaiaren normalizazioa eskatu du

Gasteiz, Bilbo eta Donostiako gotzainen agiria

14 Erlijio-irakasle kalera eta 64k jardunaldi murrizketa pairatuko dute Nafarroan